Qərb mətbuatında çox danışılan sülh müqaviləsi layihəsi əslində mövcud deyil.

Axar.az xəbər verir ki, bunu rusiyalı politoloq İqor Korotçenko “Bakinski raboçi” qəzetinə müsahibəsində deyib.

“Tramp administrasiyasının heç bir sülh planı yoxdur, hətta cızma-qarası da yoxdur, hər şey situasiyaya uyğun həyata keçirilir. Ukrayna üzrə ABŞ-Rusiya danışıqlar qrupunun görüşündə bəzi təkliflər müzakirə olunacaq. Lakin Rusiya sülh müqaviləsi olmadan təmas xəttində hərbi əməliyyatları dondurmağa razı olmayacaq. Necə ki, Moskva Kiyevin Paris və Londonla razılaşdırılmış hava hücumlarının bir ay müddətinə qarşılıqlı dayandırılması planına razı olmayacaq. Rusiya sülh danışıqlarından asılı olmayaraq, sülh sazişinin şərtləri ümumiyyətlə onu qane edənə qədər hərbi əməliyyatları davam etdirəcək”, - o bildirib.