Suriya hökumətinə tabe olan silahlı qüvvələr keçmiş prezident Bəşər Əsədi dəstəkləyən silahlı birləşmələrlə mübarizə aparmaq üçün Latakiya və Tartus şəhərlərinə daxil olur.

Axar.az xəbər verir ki, bu barədə Suriyanın SANA agentliyi məlumat yayıb.

“Daxili təhlükəsizlik idarəsi inzibati mərkəzlərdə, yaxınlıqdakı yaşayış məntəqələrində və dağlıq ərazilərdə axtarış üçün genişmiqyaslı əməliyyatın başladığını da açıqlayıb”, - məlumatda qeyd olunub.

Qurum Bəşər Əsəd tərəfdarlarını silahı yerə qoymağa çağırıb.

Qeyd edək ki, ötən gün Cəblə şəhərində keçmiş prezident Bəşər Əsədi dəstəkləyən silahlı qruplarla toqquşmalarda Suriyanın yeni hökumətinin Dövlət Təhlükəsizlik İdarəsinin ən azı 13 əməkdaşı həlak olub.