Mark Karni bazar günü Kanadanın hakim Liberal Partiyasının yeni lideri seçilib və ölkənin növbəti baş naziri olacaq.

Axar.az xəbər verir ki, bu barədə Kanada mətbuatı məlumat yayıb.

Məlumata görə, o, partiyadaxili seçkidə üzvlərin 85,9%-nin səsini toplayıb.

Karni yalnız hazırkı Baş nazir Castin Trüdonun general-qubernator Meri Saymona istefa ərizəsi təqdim etməsindən sonra baş nazir postunu tutacaq.

Qeyd edək ki, Kanadada seçki bu ilin oktyabr ayında keçirilməli idi, lakin Trüdo daha erkən istefa verdiyinə görə hakim partiya daxili seçki yolu ilə Karnini Baş nazir seçib. Karni vəzifəsinin icrasına başladıqdan sonra oktyabra qədər vəzifəsinə davam edə, yaxud növbədənkənar seçki də təyin edə və erkən seçkilərə gedə bilər.