Yəməndəki hHusi üsyançıları Qəzza zolağına humanitar yardımların girişi ilə bağlı ultimatumun müddətinin bitdiyi martın 11-i tarixində İsrail gəmilərinə hücumları bərpa etməyə hazırdır.

Axar.az xəbər verir ki, bunu husilərin lideri Əbdülməlik Husi deyib.

"Daha əvvəl verilən ultimatumun qüvvədə qaldığını təsdiq edirik. Silahlı qüvvələrimiz əməliyyatları bərpa etməyə hazırdır. Qəzza zolağına yardım axınına başlanmazsa, verilən müddət bitən andan hərbi tədbirlər tətbiq olunacaq", - deyə o bildirib.

Qeyd edək ki, martın 7-də husilərin lideri dörd gün ərzində Qəzzaya yardımın bərpa olunmayacağı təqdirdə İsrailə qarşı dəniz əməliyyatlarını davam etdirəcəklərini açıqlamışdı.