Rusiya Prezidentinin müşavirləri Aleksey Dyumin, Nikolay Patruşev, Rusiya Baş Qərargah rəisi Valeri Gerasimov, Rusiya Təhlükəsizlik Şurasının katibi Sergey Şoyqu və TŞ sədrinin müavini Dmitri Medvedyev hazırda Kremldədir.

Axar.az xəbər verir ki, bu barədə Rusiya mediası Kremldəki mənbəyə istinadla məlumat yayıb.

Ehtimal edilir ki, Rusiya lideri Putin Ukraynaya kütləvi raket zərbəsi endirmək üçün müzakirə aparır.

Qeyd edək ki, ötən gün Ukrayna ordusu Rusiyaya 2025-ci ilin ən böyük PUA hücumunu reallaşdırıb. PUA hücumu nəticəsində Moskvada 2 nəfər ölüb, 18 nəfər yaralanıb, aeroportların fəaliyyəti dayanıb, infrastruktura və bir neçə binaya ziyan dəyib, 20-dən çox maşın yanıb.