Kreml artıq indidən Rusiyada "Maydan"ın baş verməsindən narahat olduğunu göstərir.

Axar.az xəbər verir ki, bunu Ukrayna mətbuatına açıqlamasında rusiyalı publisist Vladimir Qolışev söyləyib. Onun sözlərinə görə, hazırda Moskva üçün əsas təhdidi regional elitalar təşkil edir:

"Bu qüvvələr yaşamaqdan ötrü hakimiyyət vertikalını dağıtmağa çalışacaqlar. Neft dollarlarının axını uzun illər ölkənin həyatda qalma məsələsinin kənara atılmasına səbəb olub. Bu zaman yaşamaq daha yaxşı və əyləncəli idi. Hətta ölkənin effektiv idarəedilməsi ilə bağlı illüziyalar da ortaya çıxmışdı. Yerli rəislərlə isə insanların elə də xoş xatirələri yoxdur. Artıq Moskva neft dollarları ilə birgə öz etibarını itirib. Rezervlər hələlik ölkəni qorumağa kömək edir. Böhran sosial səfalət təhdidi yaradanda regionlar tabe olmaqdan imtina edəcəklər. Bu qaçılmazdır".