Ukrayna Rusiya ilə bağlanmış sülh müqaviləsi çərçivəsində öz suverenliyini məhdudlaşdırmağa razı olmayacaq.

Axar.az xəbər verir ki, bu barədə Ali Radanın Beynəlxalq siyasət komitəsinin rəhbəri Aleksandr Merejko BBC-yə müsahibəsində bildirib.

O qeyd edib ki, Ukrayna Rusiya ilə mümkün sülh müqaviləsi ilə bağlı sərt mövqe tutur və üç "qırmızı xətt" müəyyənləşdirir:

1. Ərazi bütövlüyü – Ukrayna heç bir ərazi güzəştinə razı olmayacaq və bu, müzakirə mövzusu deyil;

2. Ukraynanın NATO və digər beynəlxalq təşkilatlara üzvlüyü – Putin bu məsələdə Ukrayna əvəzinə qərar verməməlidir;

3. Müdafiə qabiliyyəti – Kiyev Putinin Ukrayna ordusunun azaldılması tələblərinə razı ola bilməz.