Peyk atəşi qeydə ala bilmir, lakin hərbi texnikanın hərəkətini müşahidə edə bilir, lakin məndə Azərbaycan texnikasının hərəkətinin qeydə alınıb-alınmadığı barədə məlumat yoxdur.

Axar.az xəbər verir ki, bunu Ermənistanın yüksək texnologiyalar sənayesi naziri Mxitar Ayrapetyan bildirib.

O, Ermənistanın Azərbaycanla konstruktiv atmosferdə dialoqu davam etdirmək və regionda davamlı və uzunmüddətli sülhə nail olmaq niyyətində olduğunu vurğulayıb.

Nazirin sözlərinə görə, bunun üçün bütün əsaslar mövcuddur, çünki hər iki tərəf sülh müqaviləsi layihəsi üzərində işlərin başa çatdığını bəyan edib:

“Bu baxımdan Ermənistan vəziyyətin sabit qalması üçün əlindən gələni edəcək. Ermənistan ictimaiyyəti bu məsələdə narahat olmamalıdır, çünki Ermənistan müvafiq xarici siyasət işləri aparır”.