2025.02.23. 20:39

ABŞ və Ukrayna nümayəndə heyətləri Səudiyyə Ərəbistanının paytaxtı Ər-Riyadda Ukraynada atəşkəsin parametrlərini müzakirə etməyə başlayıb.

Axar.az xəbər verir ki, bu barədə nümayəndə heyətinin tərkibində olan Ukraynanın müdafiə naziri Rüstəm Umerov X-də məlumat yayıb.

"Biz Ər-Riyadda Amerika komandası ilə görüşə başladıq. Gündəlikdə enerji obyektlərinin və mühüm infrastrukturun mühafizəsi ilə bağlı təkliflər var. Bu gün biz bir sıra mürəkkəb texniki məsələləri həll edəcəyik”, - deyə o bildirib.

***

Ər-Riyadda Ukrayna və Amerika nümayəndə heyətləri arasında iki saatlıq danışıqlardan sonra fasilə elan edilib.

Bu barədə Zelenskinin Ofisi məlumat verib.

TASS-ın görüş yerində olan əməkdaşı bildirib ki, danışıqlar hələ başa çatmayıb, Ukrayna nümayəndə heyəti isə görüş otağını tərk edib.

Qeyd edək ki, bundan öncə görüşün başa çatdığı məlumatı yayılmışdı.

***

Amerika və Ukrayna nümayəndə heyətləri Ukraynada atəşkəsin parametrləri ilə bağlı danışıqları başa çatdırıblar.

Bu barədə məsləhətləşmələrdə iştirak edən Ukraynanın müdafiə naziri Rüstəm Umerov məlumat verib.

O, görüşün məhsuldar keçdiyini bildirib.