Ukrayna və ABŞ nümayəndə heyətlərinin Səudiyyə Ərəbistanında keçirdiyi görüşün yeni təfərrüatı açıqlanıb.

Axar.az xəbər verir ki, bu barədə Ukrayana Prezident Ofisi rəhbərinin müşaviri Sergey Leşşenko “Vahid xəbərlər” marafonunun efirində məlumat verib.

“Bunlar texniki danışıqlardır. Adətən, danışıqlar bir gün çəkmir. Bəzən onlar aylar çəkir. Başa düşməliyik ki, görüşlər kifayət qədər müntəzəm olacaq və hər görüş ictimai bəyanatlarla bitmir”, - o bildirib.

Leşşenko vurğulayıb ki, Ukrayna və ABŞ nümayəndə heyətlərinin görüşü iki mövzuya aid olub.

Zelenskinin ofisi ABŞ ilə danışıqların daha bir raundunun keçiriləcəyini təsdiqləyib.

Qeyd olunub ki, Ukrayna nümayəndə heyəti ABŞ və Rusiya nümayəndə heyətləri arasında bu gün keçirilən danışıqlar başa çatdıqdan sonra ABŞ ilə əlavə məsləhətləşmələr aparmaq üçün Səudiyyə Ərəbistanında qalmağa davam edir.