Rusiya Prezidenti Vladimir Putin Orenburq vilayətinin qubernatoru Denis Paslerlə görüşdə ona başqa bir regiona – Sverdlovsk vilayətinə rəhbərlik etməyi təklif edib.

Axar.az xəbər verir ki, bu barədə TASS məlumat yayıb.

“Artıq sizə məlumdur, administrasiyada sizinlə bu barədə danışıblar. Sizdən xahiş etmək istəyirəm ki, sizin üçün doğma olan, əvvəllər yüksək vəzifədə çalışdığınız yerə qayıdasınız. Siz bu regionu çox yaxşı tanıyırsınız, o, bizim üçün əsas inkişaf etmiş sənaye bölgələrimizdən biridir”, – Putin Paslerə müraciət edərək deyib.

“Artıq sizdən soruşmaq istəyirəm, bu təklifə necə baxırsınız?” - deyə prezident maraqlanıb.

"Bu təklif üçün sizə təşəkkür edirəm, sizin dediyiniz kimi, doğma bir regiondur", - qubernator razılaşaraq cavab verib.