İsrail Qəzzada münaqişənin həlli ilə bağlı danışıqlara açıqdır, lakin bunun şərtləri HƏMAS rəhbərliyinin anklavdan çıxarılması və ABŞ Prezidenti Donald Trampın planına uyğun olaraq yerli sakinlərin könüllü mühacirətidir.

Axar.az xəbər verir ki, bunu İsrail Baş naziri Benyamin Netanyahu deyib.

“Guya danışıqlar aparmırıq. Bu doğru deyil. Biz danışıqları atəş altında aparırıq və buna görə də təsirli olur. Çatların görünməyə başladığını görürük. Guya biz son mərhələni müzakirə etməyə hazır deyilik. Bu da doğru deyil. Biz hazırıq. HƏMAS silahlarını yerə qoyacaq, liderlərinə zolağı tərk etməyə icazə veriləcək, biz Qəzzada ümumi təhlükəsizliyi təmin edəcəyik və Tramp planını - könüllü mühacirət proqramını həyata keçirəcəyik. Bu bizim planımızdır. Biz bunu gizlətmirik və istənilən vaxt müzakirə etməyə hazırıq”, - Netanyahu bildirib.