ABŞ Hökumətinin Effektivliyi Departamentinin rəhbəri İlon Mask Fransanın Milli Birlik Partiyasının lideri Marin Le Penin həbs qərarına etiraz edib.

Axar.az xəbər verir ki, o, bu barədə X şəbəkə hesabında yazıb.

“Le Penə azadlıq”, - o bildirib.

Mask postuna ABŞ Prezidenti Donald Trampın “Truth” sosial şəbəkəsindəki paylaşımının skrinşotunu əlavə edib. Amerika lideri daha əvvəl Le Penin hökmünü “cadugər ovu” adlandırmışdı.

Qeyd edək ki, məhkəmə Le Pen barədə 4 il (2 il şərti cəza və 2 il nəzarət altında olma) azadlığın məhdudlaşdırılması qərarı verib. Eyni zamanda, Le Pen 5 il siyasətlə məşğul ola bilməz.