Dağıstanın Babayurtovski rayonunun "Xasanay" və "Krasnıy oktyabr" kənd sakinləri bu yaşayış məntəqələri arasında yerləşən torpaq sahəsindən istifadəyə görə kütləvi dava salıblar.

Oxu.az xəbər verir ki, mübahisəni həll etmək üçün Dağıstan hakimiyyəti məhkəmənin qərarı olmadan bu torpaqlardan istifadə etməyi qadağan edib.

İki kənd arasında kütləvi davanın videosu mayın 31-də Yutub portalında yerləşdirilib.

Dağıstan DİN asayişi bərpa etmək üçün hadisə yerinə 85 OMON əməkdaşını göndərib. Hüquq-mühafizə orqanlarına müqavimət göstərən 5 dava iştirakçısı saxlanılıb.

Bildirilir ki, davadan sonra Xasanay kənd sakinləri yaşayış məntəqələrini birləşdirən körpünü demontaj ediblər.