Rusiyalılar ölkə üçün ABŞ, Ukrayna və Türkiyəni əsas düşmən hesab edirlər.

Axar.az xəbər verir ki, bu nəticə "Levada çentr" təşkilatının keçirdiyi sorğudan sonra ortaya çıxıb. Sorğu iştirakçılarının 72%-i Rusiyanın əsas düşməni kimi ABŞ-ı göstərib. Bundan sonrakı yeri 48% səslə Ukrayna (keçən il bu göstərici 37% idi – red.) tutub. Türkiyə isə siyahıda üçüncü yerdə qərarlaşıb. Rusların 29%-i Ankaranı (keçən il bu göstərici 1% idi – red.) əsas düşmənlər siyahısında görüblər.

Rusların fikrincə, Moskvanın əsas dostları Belarus, Qazaxıstan və Çindir. Maraqlı məqam orasındadır ki, bu il Çini ölkənin dostu hesab edənlərin sayı 43%-dən 34%-ə düşüb.