Prezident Donald Tramp ABŞ-ın xərclərini azaldacağını açıqlayıb. O, məbləğin 1 trilyon dollara çatacağını gözləyir.

Axar.az xəbər verir ki, o, bu barədə “Truth Social” hesabında məlumat yayıb.

“Bu gün Nümayəndələr Palatasının sədri və daha mühafizəkar üzvlərimizlə, gözəl insanlarla çox yaxşı görüş keçirdim. Onlara bildirdim ki, mən böyük xərclərin azalmasından yanayam! Azaldacağıq, ümid edirəm 1 trilyon dollardan çox”, - o bildirib.

Tramp əlavə edib ki, bütün bu azaltmalar “böyük, gözəl qanun layihəsinə” daxil ediləcək:

“Nümayəndələr Palatasının üzvləri və senatorlarla birlikdə bu kütləvi xərclərin azaldılması üçün çox səy göstərəcəyəm, lakin biz bu qanun layihəsini indi qəbul etməliyik”.