İran hökumət nümayəndələri ABŞ-la danışıqlar masasına oturduqlarını etiraf etməkdən qorxurlar.

Axar.az xəbər verir ki, bunu məşhur islahatçı din xadimi, parlamentin Müdafiə Məsələləri Komitəsinin keçmiş rəhbəri Rəsul Müntəcəbnia deyib.

"Məncə, bu, düzgün deyil. Biz danışıqlar prinsipini qəbul edib, zəruri hesab etdiyimiz halda, birbaşa danışıqlardan qaçmaq və ya başqa böyük və ya kiçik bir ölkənin vasitəçiliyini qəbul etmək nəyə lazımdır?" - Müntəcəbnia bildirib.

Qeyd edək ki, İran rəsmiləri Tehran və Vaşinqton arasında şənbə günü keçirilməsi nəzərdə tutulan danışıqların dolayısı olduğunu vurğulasalar da, ABŞ rəsmiləri bu danışıqların birbaşa aparılacağını bildiriblər.