Oman və onun xarici işlər nazirinə bu danışıqlara ev sahibliyi və vasitəçilik etdiklərinə görə təşəkkür edirik.

Axar.az xəbər verir ki, İran Xarici İşlər Nazirliyinin sözçüsü İsmayıl Bəqai X hesabında yazıb.

“İran xarici işlər naziri ABŞ prezidentinin xüsusi nümayəndəsi ilə sanksiyaların ləğvi və nüvə məsələsi barədə bir sıra dolayı danışıqlar apardıqdan sonra Maskatdan Tehrana qayıdır. Gələn həftə dolayı danışıqları davam etdirmək üçün iki tərəf arasında razılaşmanı nəzərə alsaq, Oman bu mühüm rolu oynamağa davam edəcək”, - sözçü bildirib.

Qeyd edək ki, 12 apreldə Maskatta ABŞ-İran danışıqları aparılıb və 19 apreldə danışıqların ikinci raundunu keçirmək qərara alınıb.