Amerikada həbs olunan azərbaycanlı milyarder Rza Zərrabın vəkili gözlənilməz bir fikir irəli sürüb.

Axar.az xəbər verir ki, vəkil Bencamin Brafman Zərrabın müəyyən qədər pul qarşılığında zaminə buraxılma tələbini məhkəmənin rədd etməsi ilə bağlı danışıb.

O, lazım gəldiyi halda Zərrabın vurulmasına belə razı olduğunu deyib:

"Əgər Rza Zərrab qaçmağa cəhd etsə, polis ona güc tətbiq edə bilər. Hətta icazə verilsə, onu güllələyə də bilərlər".

Bununla da vəkili Rza Zərrabın heç yana qaçmayacağını ifadə edib.

Qeyd edək ki, Zərrabın 50 milyon dollar müqabilində zaminə buraxılması məsələsi gündəmdədir.