Sürətlə düşən neft qiymətləri ilə əlaqədar iqtisadi böhranla üzləşən Venesuela xalqı çətin günlər keçirir.

Publika.az xarici mediaya istinadən xəbər verir ki, ölkə tamamilə batmaq üzrədir.

İqtisadi böhran hər keçən gün dərinləşir. Bu da siyasi böhranı alovlandırır. Üsyan edən xalq prezident Nikolas Maduronun istefasını tələb edir.

Xalqın alıcı gücü tükənmək üzrədir. Ölkənin bir çox bölgəsində zibilliklərdən ərzaq toplayan insanların sayı hər keçən gün artır.

Neft İxrac edən Ölkələr Birliyinin (OPEC) əsas üzvlərindən olan Venesuelada inflyasiya 720 faizə çatıb, xarici borc 120 milyard dollar həddindədir.