Zərbələr üçün həm raketlərdən, həm də Hərbi Hava Qüvvələrindən istifadə edən Hindistanın hərəkətləri qəbuledilməzdir. Biz Pakistana edilən hücumları qətiyyətlə pisləyir və rədd edirik.

Axar.az xəbər verir ki, bunu Türkiyənin hakim Ədalət və İnkişaf Partiyasının (AKP) sədr müavini Ömər Çelik Pakistana hərbi zərbələr endirən Hindistanın hərəkətlərini pisləyərkən deyib.

Çelik Pakistanın terror aktlarını araşdıracaq komissiya yaratmaq təşəbbüsünü xatırladıb:

“Bu, düzgün yanaşma idi. Mülki hədəfləri təhdid edən zərbələr deyil, hərtərəfli araşdırma lazımdır”.

O, həmçinin Cənubi Asiyada gərginliyi azaltmaq üçün təcili addımlar atmağa çağırıb:

“Ümid edirik ki, bölgədə müharibəyə gətirib çıxara biləcək addımlar bir daha atılmayacaq”.