Pakistan və Hindistan arasındakı gərginlik tezliklə bitməyəcək.

Bu sözləri Axar.az-a açıqlamasında politoloq Turab Rzayev Pakistan və Hindistan arasında olan gərginliyi şərh edərkən deyib.

“Görünən odur ki, Pakistan eskalasiyaya getməkdən çəkinən tərəfdir. Pakistan sadəcə Hindistanın hücumuna cavab verdi və dayandı. Ancaq biz Pakistanın nə vaxta qədər səbirli davranacağını bilmirik.

Bundan sonrakı mərhələ Hindistanın davranışından asılıdır. Hindistan isə vəziyyəti gərginləşdirməkdə maraqlıdır – hər halda, müşahidələr belə düşünməyə əsas verir”, - politoloq bildirib.

Qeyd edək ki, Hindistanın Pakistana endirdiyi zərbələr nəticəsində 31 nəfər ölüb, 57 nəfər yaralanıb. Pakistan isə buna cavab olaraq Hindistanın 5 qırıcısını məhv edib, həmçinin hərbi obyektlərinə zərbə endirib.