İran düşmən qüvvələrin Ermənistanla strateji münasibətlərini pozmasına imkan verməyəcək.

Axar.az xəbər verir ki, bunu İranın Ali Milli Təhlükəsizlik Şurasının katibi Əli Əkbər Əhmədian Ermənistan Təhlükəsizlik Şurasının katibi Armen Qriqoryanla görüşü zamanı deyib.

Əhmədian vurğulayıb ki, xarici qüvvələr Cənubi Qafqazda sabitlikdə maraqlı deyil.

Onun sözlərinə görə, İran və Ermənistan arasında bütün sahələrdə sıx əməkdaşlıq və strateji tərəfdaşlığın daha da gücləndirilməsi regionda sülh və sabitliyin möhkəmlənməsinə töhfə verəcək.

Bu baxımdan o, birgə layihələrin tam şəkildə həyata keçirilməsinin vacibliyini qeyd edib.