Britaniya hökuməti İsraillə azad ticarət danışıqlarını dayandırıb və İordan çayının qərb sahilindəki yaşayış məntəqələrinə yeni sanksiyalar tətbiq edib.

Axar.az xəbər verir ki, bu barədə “Assoşeyted Press” məlumat yayıb.

Böyük Britaniyanın xarici işlər naziri Devid Lemmi bildirib ki, İsraillə hazırkı ticarət razılaşması qüvvədə qalır, lakin hökumət İordan çayının qərb sahili və Qəzzada radikal siyasət yürüdən hökumətlə danışıqları davam etdirə bilməz.

"İsrail hökuməti müdaxilə etməli və bu aqressiv hərəkətləri dayandırmalıdır. Onların davamlı hərəkətsizliyi Fələstin icmalarını və iki dövlət həllini risk altında qoyur", - deyə o qeyd edib.

Qeyd edək ki, ötən gün İngiltərə, Fransa və Kanada İsrailin Qəzzada əməliyyatlarını və işğal olunmuş İordan çayının qərb sahilindəki fəaliyyətini tənqid edən bəyanat yayıb.