İngiltərənin "Deyli Meyl" saytı ABŞ-ın Orlando şəhərində yerləşən "Pulse" gecə klubunda terror aktı törədən Ömər Mətinin yaşadığı evin görüntülərini yayıb.

Axar.az xəbər verir ki, 29 yaşlı əfqan əsilli terrorçunun evi Fort Piers şəhərində yerləşir.

Görünüşcə normal amerikalının mənzilindən o qədər də fərqlənməyən evdə bəzi diqqət çəkən detallar aşkar edilib. ABŞ vətəndaşı olan Mətinin evində 3 yaşlı oğlunun və valideynlərinin şəkli, islam və Fələstinlə bağlı kitablar tapılıb.

Evdə xüsusi diqqət çəkən məqamlardan biri də təqvimdə 7 iyun tarixinin işarələnməsi olub. Mütəxəssislər terrorçunun silahlı hücumu öncə həmin tarixə planlaşdırması, naməlum səbəblərdən təxirə saldığı qənaətindədir.

Xatırladaq ki, Mətin ABŞ tarixində ən qanlı terror aktlarından biri kimi yadda qalan hücumu iyunun 13-də gerçəkləşdirib. Gecə klubuna hücum edən terrorçu 50 nəfəri öldürüb, 53 nəfəri isə yaralayıb. Polislə yaranan qarşıdurmada terrorçu məhv edilib.