Bazar ertəsi Donald Trampın həmkarı Vladimir Putinə zəngi Ukraynada müharibənin bitməsindən sonra Rusiya ilə ABŞ arasında genişmiqyaslı ticarətin parlaq gələcəyinə ümidləri artırıb.

Axar.az “Faynənşl Tayms”a istinadən xəbər verir ki, bu sözləri Rusiya Prezidentinin xarici siyasət məsələləri üzrə müşaviri Yuri Uşakov deyib.

O bildirib ki, iki saatlıq söhbətin tonu o qədər mehriban olub ki, heç bir prezident ilk dəstəyi asmaq istəməyib.

Qeyd edilib ki, bundan sonra ukraynalılar və Avropadakı müttəfiqlər özlərini tərk edilmiş hiss ediblər:

"Söhbət təkcə ABŞ prezidentinin atəşkəs üçün vasitəçilik etmək yolunda Rusiyaya heç bir təzyiq göstərməməsindən getmir. Telefon söhbətində Tramp həmçinin açıq şəkildə bildirib ki, ABŞ müharibəni bitirmək səylərində vasitəçi rolundan imtina edir, Moskva və Kiyevi hər şeyi özbaşına həll etmək üçün tərk edir".