Ukrayna Silahlı Qüvvələrinin Kursk əməliyyatı xeyli sayda rus hərbçisini Ukraynada cəbhədə aktiv hücumlardan qoruyur.

Axar.az xəbər verir ki, bunu Ukrayna Prezidenti Vladimir Zelenski axşam müraciətində bildirib.

"Cəbhədə vəziyyət ağır olaraq qalır. Bəzi ərazilərdə biz Rusiyanın fəallığının artdığını qeyd edirik. Ən ciddi döyüşlər Pokrovsk, Liman və Kupyansk istiqamətlərində gedir", - deyə prezident vurğulayıb.

O əlavə edib ki, Ukrayna Silahlı Qüvvələri Rusiyanın Kursk vilayətində əməliyyatlarını davam etdirir və bu, xeyli sayda rus hərbçisinin Ukrayna ərazisində əməliyyat keçirməsinə mane olur.