Tanınmış ekofəal Qreta Tunberq oğurlandığını iddia edərək, İsrail hakimiyyətinə qarşı ittihamlar səsləndirib.

Axar.az xəbər verir ki, bu barədə "The Freedom Flotilla Coalition" X səhifəsində video məlumat yayılıb.

Fəal İsveç hökumətindən onu və gəmidə olanları tez bir zamanda azad etmək üçün hərəkətə keçməyə çağırıb. Göyərtədə Tunberq də daxil olmaqla, 12 fəal, həmçinin Fransa, Türkiyə, Braziliya və İsveç vətəndaşları olub.

Qeyd edək ki, koalisiya rəsmiləri gəminin beynəlxalq sularda tutulduğunu və bəzi könüllülərin “oğurlandığını” bildiriblər.

Xatırladaq ki, İsrail müdafiə naziri Katz qanunsuz olaraq Qəzzaya doğru hərəkət edən "Madlin" gəmisinin saxlanılması barədə əmr verdiyini bildirmişdi.