Rusiya səkkiz il Donbas problemini sülh yolu ilə həll etməyə çalışdı, lakin Qərb bizi aldatdı və orada elan olunmamış müharibə apardı.

Axar.az xəbər verir ki, bu sözləri Rusiya Prezidenti Vladimir Putin deyib.

“Donbasda nə baş verdiyini hamımız bilirik - səkkiz il dinc əhaliyə qarşı qanlı müharibə... Və biz səkkiz il çalışdıq ki, bu məsələni sülh yolu ilə həll etmək üçün razılıq əldə edək. Bizi aldatdılar. İstər Almaniyanın keçmiş kansleri, istərsə də Fransanın keçmiş prezidenti açıq şəkildə Minsk razılaşmalarını yerinə yetirmək niyyətində olmadıqlarını, bütün bunları yalnız Ukrayna rejimini silahla gücləndirmək üçün imzaladıqlarını etiraf ediblər və səkkiz il ərzində elan olunmamış bu müharibəni aparıblar”, - Putin bildirib.