Moskva Ermənistandakı hadisələri, o cümlədən Erməni Apostol Kilsəsini və onun Eçmiədzindəki ruhani mərkəzini əhatə edən hadisələri diqqətlə izləyir.

Axar.az xəbər verir ki, bu barədə Rusiya Xarici İşlər Nazirliyi məlumat yayıb.

"Bizdə başqa dövlətlərin daxili işlərinə qarışmaq vərdişi yoxdur. Dost və qardaş Ermənistanda sabitliyin qorunmasında, qanunun aliliyinin tvə davamlı inkişafın təmin edilməsində səmimiyyətlə maraqlıyıq. Buna nail olmaq üçün Ermənistan rəhbərliyinin bəyan etdiyi demokratik dəyərləri, dindarların hisslərinə hörməti və dini azadlıq prinsiplərinə sadiqliyi praktikada tətbiq etmək lazımdır", - məlumatda deyilib.