Fransa Prezidenti Emmanuel Makron növbəti prezident seçkilərində iştirak edə bilər.

Axar.az xəbər verir ki, bu barədə danışan Makron Konstitusiyanın icazə verdiyi zaman yenidən prezidentliyə namizədliyini irəli sürmək imkanını istisna etməyib.

O, ölkə siyasətinə təsirini saxlamaq niyyətində olduğunu açıqlayıb.

Qeyd edək ki, Fransa konstitusiyasına görə, Makron 2027-ci il seçkilərində namizəd ola bilməz, çünki iki dəfədən artıq ardıcıl namizəd olmağı qanun qadağan edir. Bununla belə, məhdudiyyət yalnız ardıcıl mandatlara şamil edilir və onun 2032-ci ildə, yəni 54 yaşı tamam olanda prezidentliyə namizəd olmasına imkan yaranır.