Ana səhifə Qalmaqal |
Türkiyə parlamentinin vitse-spikeri Ayşənur Baxçaqapılının Almaniyada polis bölməsinə aparılması rəsmi Ankaranı hərəkətə gətirib.
Axar.az xəbər verir ki, Almaniyanın Türkiyədəki səfiri Martin Erdmann Xarici İşlər Nazirliyinə çağırılıb. Diplomatik qaynaqlardan “Sabah”a verilən məlumata görə, səfirə vitse-spikerin alman polisi tərəfindən kobud rəftarla üzşlədiyi, bir neçə saat polis bölməsində saxlanıldığı deyilib.
Xatırladaq ki, Ayşənur Baxçaqapılı Almaniyada xoşagəlməz rəftarla qarşılaşıb. Xanımın içində pul, kredit kartı, pasport və şəxsiyyət vəsiqəsi olan çantası oteldə oğurlanıb. Hava limanında isə alman polisi xanım siyasətçi ilə kobud rəftar edərək onu polis bölməsinə aparıb.
Türkiyə Prezidenti Rəcəb Tayyib Ərdoğan bu gün keçirilən 31-ci Muxtarlar toplantısında Türkiyənin bu hadisəyə lazımi cavab verəcəyini demişdi.
Tarix
2016.12.07 / 23:11
|
Müəllif
Hacı Qulu
|