Tanınmış gənc foto-bloqqer Mehman Hüseynovun "Sancaq" səhifəsində paylaşdığı bir foto hər kəsin marağına səbəb olub.

Axar.az xəbər verir ki, Mehman paylaşdığı şəklin altında bunları yazıb:

"Masallı rayon xəstəxanasında sirli bir otaq. Otağın birində böyük bir şkaf dayanıb və şkafın arxasında başqa balaca bir otağa giriş var. Maraqlıdı, sizcə o gizli otaq nə üçündür?"

Verilən fotonun birində böyük bir dolab görünür. Başqa bir fotoda isə həmin dolabın qapısı açılıb və ondan içəridə başqa bir otağa açılan qapı, qapıdan isə orada ayrı bir otaq olduğu diqqət çəkir. Belə anlaşılır ki, bu otaq xüsusi bir otaqdır, ancaq onun belə gizlədilməsinin səbəbi kimsəyə bəlli deyil.

Bəlkə bu xəbərdən sonra xəstəxanadan hansısa bir açıqlama gələ.