Sonsuzluq bir qadın və bir kişinin həftədə ən az 2 dəfə qorunmasız əlaqədə olmasına baxmayaraq, 16 ay sonra qadının hamilə qalmamasıdır.

Axar.az xəbər verir ki, bu sözləri tanınmış həkim Vasif İsmayıl qeyd edib. O bildirib ki, sonsuzluq bir cütün xəstəliyidir:

“Sonsuz kişi yoxdur, sonsuz qadın da yoxdur. Sonsuz cütlük vardır. Bu gün hamilə qala bilməyən cütlərdən 30 faizində səbəbkar kişi, 30 faizinin də səbəbkar qadındır. Digər 30 faizin səbəbkarı hər ikisidir. Yerdə qalan 10 faizdə isə səbəblər hələlik bilinmir. Əgər müntəzəm əlaqəyə baxmayaraq, 16 ay sonrasında hamilə qalmaq istəyir, amma qala bilmirsinizsə, həkimə müraciət edin. Həm qadın, həm kişi ikisi də getməlidir”.

Həkim qeyd edib ki, kişinin bığının, saqqalının olması toxumunun yaxşı olduğu mənasına gəlmir:

“Lənkərandan bir oğlan tanıyırdım, bığlı-saqqallı, Koroğlu kimi oğlan idi. Amma genetik olaraq qadın idi”.