Dövlət Musiqili Teatrının sağlıq durumu ağır olan tanınmış aktrisası, əməkdar artist Gülnar Salmanovanın videosu yayılıb.

Axar.az xəbər verir ki, gənc teatrşünas Əjdər Dadaşov hazırladığı video-görüntüdə Gülnar Salmanova göz yaşı içində ümidinin təkcə ölkənin birinci xanımı Mehriban Əliyeva olduğunu deyib:

"Mənim ümidim Mehriban xanımadır. Mehriban xanımdan xahiş edirəm, gecikməsin! Geciksə, daha heç cür sağalmayacam. Bir böyrəyim, ikisini istəmirəm, heç olmasa, bir böyrəyim dəyişilsə, yaşayaram. Teatra gedib işimi görərəm".

Xəstə aktrisanın yanında olan həmkarları da ona qoşularaq Mehriban xanımdan yardım istəyiblər.