Türk dünyasının böyük oğlu Ekmeleddin İhsanoğlunu ziyarət etdim. Həyatı üçün təhlükə yoxdur.

Axar.az xəbər verir ki, bu sözləri “Yeni Müsavat” qəzetinin baş redaktoru Rauf Arifoğlu bildirib.

“Bakıda müalicə aldığı xəstəxanada ziyarət etmək üçün Mərkəzi Klinik Xəstəxanaya getdim, doktoru Firdovsi İbrahimovla görüşdüm. Reanimasiyada olması səbəbindən palatasına keçə bilmədim. Amma xanımı ilə görüşüb, özümün və İstanbul millət vəkili Atilla Kayanın adından keçmiş olsun diləklərimi çatdırdım.

Şükürlər olsun, doktorların deməsinə görə, vəziyyəti yaxşıdır, həyatı üçün təhlükə yoxdur”, – deyə R.Arifoğlu bildirib.

Qeyd edək ki, İslam Əməkdaşlıq Təşkilatının Baş katibi, türkiyəli deputat Ekmeleddin İhsanoğlunun dünən VI Qlobal Bakı Forumunun gedişində çıxış edərkən qəfildən halı pisləşib. Paneldə çıxış zamanı özünü pis hiss etdiyini deyib, çıxışını yarımçıq dayandırmalı olub.

Mərkəzi Klinik Xəstəxanaya yerləşdirilən E.İhsanoğlunun infarct keçirdiyi üzə çıxıb. Ürəyinə stend qoyulan deputat reanimasiyadadır.

Onun sağlı durumu ilə Prezident İlham Əliyev şəxsən maraqlanıb.