Suyun kifayət miqdarda qəbulu sağlamlıq üçün ən vacib şərtlərdən biridir. Mütəxəssislərin fikrinə görə, gün ərzində böyüklər 1,5-2 litr su içməlidir.

Sağlamolun.az-ın xəbərinə görə, mütəxəssislər yeməkdən əvvəl mütləq 1 stəkan su içməyi tövsiyə edir.

Qida qəbulundan əvvəl içilən su metabolik prosesləri sürətləndirir, həzm sistemini işə salır. Bu isə qəbizliyin qarşısını almağa kömək edir.

Həmçinin bu sadə qaydaya əməl etməklə bədən çəkisini normada saxlamaq və artıq çəkidən azad olmaq mümkündür. Yeməkdən əvvəl 1 stəkan su içməklə biz iştahamızı azaldırıq və nəticədə daha az yeyirik.

Susuzluğa və aclığa cavabdeh olan zonalar beyində çox yaxın yerləşir və bir çox hallarda insan susuzluq hiss etdikdə bunu aclıq kimi anlayır və yemək yeyir. Əgər 1 stəkan su içdikdən 15 dəqiqə sonra aclıq hissi keçməyibsə, yemək yeyin. Aclıq keçibsə, deməli siz sadəcə susuzluq hiss edirdiniz. Bu artıq qida qəbulunun qarşısını alacaq və arıqlamağa kömək edəcək.