Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
30 Sentyabr 2020


Seroloji testlərin keçirilməsinin səbəbi... - TƏBİB

Ana səhifə Sağlıq
12 Punto 14 Punto 16 Punto 18 Punto

Ölkəmizdə COVİD-19 pandemiyası ilə mübarizə tədbirləri çərçivəsində əhali qrupları arasında seroloji testlərin keçirilməsinə başlanılacaq. Seroloji testlərin keçirilməsi pandemiya ilə mübarizə strategiyasının vacib bir parçası olduğundan, Azərbaycan hökuməti tərəfindən bu istiqamətdə də mühüm addımlar atılır.

Bu sözləri Axar.az-a Tibbi Ərazi Bölmələrini İdarəetmə Birliyinin (TƏBİB) mətbuat xidmətinin rəhbəri Rəvanə Əliyeva Azərbaycan ərazisində keçirilməsi gözlənilən seroloji testlərin mahiyyəti barədə danışarkən deyib.

Onun sözlərinə görə, testlərin aparılmasında əsas məqsəd əhali arasında COVİD-19 xəstəliyinin keçirilməsi haqqında təsəvvürlərin əldə olunması, xəstəliyi keçirmiş şəxslərdə yaranmış immunitet səviyyəsinin öyrənilməsidir:

“Bu testlər vasitəsilə son 3 ay ərzində xəstəlik keçirmiş, immunitet qazanmış insanların sayını müəyyən etmək mümkün olur. Həmçinin seroloji testlər vasitəsilə əhali arasında virusa qarşı formalaşmış immunitet səviyyəsinin öyrənilməsi pandemiya ilə mübarizə üçün daha doğru yanaşmalar seçməyə imkan verir. İndiyədək digər ölkələrdə, əhalisi virusa ən çox yoluxan şəhərlərdə seroloji testlərlə bağlı müxtəlif ciddi tədqiqatlar aparılıb. Məsələn, Almaniyada Oldendorf, Çində Uhan, Hindistanda Mumbay, İsveçrədə Cenevrə kimi şəhərlərdə seroloji testlər keçirilib. Türkiyədə isə COVİD-19 xəstəliyinə qarşı immunitet xəritəsini müəyyən etmək üçün bütün ölkə üzrə 153 min nəfər anticisim testindən keçirilib”.

R.Əliyeva Azərbaycanda seroloji testlərin həyata keçirilməsi üçün fəaliyyət planının artıq hazır olduğunu qeyd edib:

“Testlər təsadüfi seçilmiş əhali qrupları arasında könüllülük prinsipi ilə aparılacaq. Bu məqsədlə təsadüfi seçilmiş şəxslərə çağrı mərkəzindən zəng ediləcək, testdən keçməyə razılıq vermiş şəxsin evinə yaşadığı ərazi üzrə poliklinikadan xüsusi təlim keçmiş tibb bacısı göndəriləcək. Müayinə üçün damardan cəmi 3-5 ml qan nümunəsinin alınması kifayətdir. Alınmış qan nümunələri qısa müddətdə laboratoriyaya çatdırılaraq analizdən keçiriləcək mütəxəssislər tərəfindən analiz nəticələrinin tibbi və statistik təhlili aparılacaq, yekun nəticələr barədə ictimaiyyat məlumatlandırılacaq. Analiz verən hər bir könüllü öz nəticəsini əldə edə biləcək. Bundan əlavə, vətəndaşın arzusu ilə qanın ümumi analizi də həyata keçirilə bilər. İlkin mərhələdə tədqiqatların Bakı, Sumqayıt və Gəncə şəhərlərində aparılması planlaşdırılır. Tədqiqatlar dövlət tərəfindən alınaraq ölkəyə gətirilmiş Almaniyanın EUROIMMUN şirkətinin istehsalı olan reaktivlərlə aparılacaq”.

TƏBİB mətbuat xidmətinin rəhbəri viruslara yoluxduqdan sonra insan bədəndə qoruyucu zülalların – anticisimlərin yarandığını vurğulayıb:

“Viruslara qarşı anticisimlərin formalaşması üçün müəyyən vaxt tələb olunur. Digər tərəfdən, formalaşmış immunitetin bədəndə qalması daimi deyil, müvəqqəti ola bilər. Ona görə də seroloji testlərin ən qısa müddətdə aparılması və nəticələrin əldə olunması zəruridir”.

Tarix
2020.08.13 / 14:31
Müəllif
Xədicə Nəbiyeva
Şərhlər
Digər xəbərlər

Ölkəmizdə koronaya yoluxanların sayı kəskin azaldı

Ölkəmizdə korona ilə bağlı son statistika açıqlandı

Kələm şorabasının inanılmaz faydası

Ofisdə sağlamlığınızı bu üsullarla qoruyun

AMEA koronaya bu bitkilərlə qalib gələcək – Açıqlama

Balaca Uğurun yardıma ehtiyacı var

Rus həkimin korona açıqlaması çaşqınlıq yaratdı

Bakıda koronaya ən az yoluxma halı bu rayondadır

Alimlər 7 ən faydalı ərzağın adını açıqladı

Bu gün neçə nəfər koronaya yoluxub? - Rəsmi

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla