Axar.az
Yuxarı

Piylənmə koronadan ölüm riskini artırır

Ana səhifə Sağlıq
12 Punto 14 Punto 16 Punto 18 Punto

Piylənmə COVİD-19-a yoluxanlar üçün çox təhlükəlidir. Məhz artıq çəki yeni növ koronavirusdan ölüm hallarının yüksək olmasının əsas səbəblərindəndir. Bu xəstəlik bir milyondan çox insanın həyatına son qoyub. Lakin bu kədərli məlumatlara baxmayaraq, Fəst fud və un məmulatlarının həvəskarları öz zərərli vərdişlərindən imtina etməyə tələsmirlər.

Axar.az xəbər verir ki, bu barədə Ümumdünya Səhiyyə Təşkilatının (ÜST) Avropa bürosu məlumat yayıb. Bu yaxınlarda aparılan araşdırma zamanı məlum olub ki, kök insanlar, o cümlədən cavanlar COVİD-19 xəstəliyini çətin keçirirlər. Onların bir qayda olaraq intensiv terapiyaya və süni nəfəs aparatlarına ehtiyacı olur.

Hazırda dünyada 2,3 milyarda yaxın insan artıq çəkiyə malikdir. ÜST-nin Avropa regionunda yaşı altıdan doqquza qədər olan 400 minə yaxın uşaq piylənmədən əziyyət çəkir.

Mütəxəssislər bunu əsasən fiziki aktivliyin olmaması, duzlu, natriumlu, şəkərli və yağlı qidalardan həddindən artıq istifadə edilməsi ilə əlaqələndirirlər.

Təcridolunma tədbirlərinin görülməsi nəticəsində bir çox insanların idman zallarında məşğul olmaması, velosipedlə işə getməməsi, açıq havada gəzməməsi mövcud vəziyyəti daha da gərginləşdirib. Bəziləri isə gəlirlərinin azalması səbəbindən qənaət etməyə məcbur olaraq özlərinə ucuz yerlərdən tərkibində şəkərin, yağın və duzun yüksək dərəcədə olduğu yeməklər sifariş edirlər. Avropa regionunun bəzi ölkələrində qeyri-sağlam qida istehsalçıları COVID-19-un region iqtisadiyyatına təsiri bəhanəsilə “Fast Food” yeməklərinə qoyulan reklam məhdudiyyətlərinin yumşaldılmasına nail olmağa çalışır.

ÜST dünyanın COVİD-19-dan sonra yoluxucu xəstəliklər zamanı ağır nəticələrə səbəb ola biləcək piylənmə pandemiyası ilə qarşılaşacağından narahatdır. Piylənmə ürək-damar xəstəliklərinin, xərçəng və diabetin inkişaf riskini kəskin şəkildə artırmaqla yanaşı, bir sıra psixoloji problemlərə də gətirib çıxarır.

Bu həftənin cümə axşamı günü ÜST-nin himayəsi altında COVID-19 kontekstində piylənməyə qarşı mübarizə təcrübələrini bölüşən region ekspertlərin virtual görüşü keçirilib.

COVID-19 hazırda dünyanın 185 ölkəsində aşkarlanıb. Qırx milyondan çox insan bu xəstəliyə yoluxub, bir milyondan çox insan isə bu xəstəlikdən həyatını itirib. Son araşdırmalar zamanı o da məlum olub ki, bu statistik göstəricilər, həmçinin piylənmə ilə bağlıdır.

“ÜST-yə üzv dövlətlər piylənmə, qeyri-infeksion xəstəliklər və COVİD-19 səbəbindən ölüm halları ilə bağlı təcrübələrini və məlumatlarını paylaşa biləcək bir platforma təqdim etməyə hazır olduqlarını bildiriblər”, - deyə ÜST-nin nümayəndəsi Joao Breda bildirib. O, bu müşavirənin regiondakı ekspertlərə, həkimlərə və vəzifəli şəxslərə koronavirus xəstələrinin müalicəsində risk faktorlarını nəzərə almaqda və bu məlumatları hesabatlarında və tövsiyələrində əks etdirməkdə kömək edəcəyinə əmin olduğunu bildirib.

Müşavirənin gedişində Böyük Britaniyadan olan baş diyetoloq xanım bildirib ki, ölkədə 2020-ci ilin mart ayından bəri sağlamlıq üçün zərərli olan ərzaq məhsullarının satışında güclü artım, fiziki aktivliyin isə kəskin surətdə azalması müşahidə olunur.

Qeyd edək ki, bu kontekstdə bütün ekspertlər insanların rifahına və sağlamlığının qorunmasına kömək edəcək daha səmərəli siyasətin və yanaşmaların tətbiqinin vacibliyini vurğulayıblar.

Tarix
2020.10.24 / 09:51
Müəllif
Axar.az
Şərhlər
Digər xəbərlər

Evdə koronalı xəstələrə bu dərman verilmir - Foto

İran peyvəndin insanlar üzərində sınağına başlayır

Daha bir hospital pandemiya xəstəxanası oldu

Həkimə ilk gündən müraciət edin! - Baş infeksionist

Ölkəmizdə koronadan ölənlərin sayı artır - Son rəqəmlər

Evdə müalicə alan korona xəstələrinin sayı açıqlandı

Süni tənəffüs aparatına qoşulanların sayı çoxdur

Yoluxma halları daha çox iş yerlərində olur – Harmancı

Bu gün neçə nəfər koronaya yoluxub? - Son rəqəmlər

Bu sahədə çalışanların maaşına əlavələr... - Cədvəl

KULT
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla