Ana səhifə Sağlıq |
Dövlət Gömrük Komitəsi dərman vasitələrinin dövriyyəsinin qadağası ilə bağlı məlumatlara aydınlıq gətirib.
Axar.az xəbər verir ki, bu haqda məlumatı Dövlət Gömrük Komitəsinin mətbuat xidməti verib.
"Bəzi kütləvi informasiya vasitələrində müəyyən dərman vasitələrinin dövriyyəsinin qadağan edilməsi ilə bağlı məlumatlarla əlaqədar olaraq məsələyə aydınlıq gətirilməsi üçün bildiririk ki, dərman vasitələri haqqında Azərbaycan Respublikasının müvafiq qanunvericiliyinə əsasən, Azərbaycan Respublikasının gömrük ərazisinə gətirilən dərman vasitələrinin gömrük orqanı tərəfindən gömrük nəzarəti və gömrük rəsmiləşdirilməsi dərman vasitələrinin müvafiq qaydada dövlət qeydiyyatına alınmaqla Azərbaycan Respublikası Səhiyyə Nazirliyinin rəyi və icazəsi əsasında həyata keçirilir.
Eyni zamanda, ölkəyə gətirilən dərman vasitələrinin mal partiyaları üzərində gömrük nəzarətinin və gömrük rəsmiləşdirilməsinin, o cümlədən Səhiyyə Nazirliyi tərəfindən təqdim olunmuş rəy və icazə sənədlərindəki məlumatların gətirilən mallarla uyğunluğuna nəzarətin daha da gücləndirilməsi və bu sahədə dövlət nəzarətinin səmərəliyinin artırılması məqsədilə Səhiyyə Nazirliyinin müvafiq qurumları ilə əlaqələndirilmə işinin genişləndirilməsi istiqamətində müvafiq tədbirlər həyata keçirilir.
Həmçinin, Azərbaycan Respublikasının gömrük ərazisinə gətirilən dərman vasitələrinin ölkə sərhədindən qanunsuz keçirilməsinin qarşısının alınması ilə əlaqədar müvafiq tədbirlər həyata keçirilmiş və nəticəsi üzrə görülmüş işlər haqqında məlumatlar mütəmadi olaraq ictimaiyyətə çatdırılıb", – deyə məlumatda bildirilir.
Tarix
2016.01.07 / 21:20
|
Müəllif
Rəfiqə Əlisəfa
|