Depressiya və nikotin asılılığı başda olmaqla səhhətimiz üçün təhlükəli olan bir çox problemlərin DNT-mizdəki Neandertal genlərdən qaynaqlandığı açıqlanıb.

Axar.az Universitetin rəsmi saytına istinadən xəbər verir ki, bu qənaətə ABŞ-ın Tennessi ştatında yerləşən Vanderbilt Universitetində illərdir aparılan araşdırmaya rəhbərlik edən alim Con Kapra gəlib:

"Tapıntılarımız, Neandertal genlərin müasir insanın bir çox klinik xüsusiyyətlərinə təsir etdiyini ortaya çıxardı. Araşdırmalar göstərir ki, Neandertal genlərlə immunitet, dermatoloji, nevroloji, psixoloji və çoxalma sistemi ilə əlaqəli xəstəliklər arasında əlaqə var".

Əldə etdikləri tapıntıların təkamül mövzusunda bir çox suala aydınlıq gətirəcəyini bildirən alim, depressiya, damar sərtliyi, infarkt kimi həddindən çox yayılmış xəstəliklərin də əcdadlarımızdan miras qaldığını açıqlayıb.