Ana səhifə Sağlıq |
Salyanda işıq kəsilməsi nəticəsində iki qardaşını itirən üçəmlərdən sonuncusu bu gün dünyasını dəyişib.
Bu barədə Axar.az-a məlumatı Abdullayevlər ailəsinin vəkili Aqil Layıcov verib.
Xatırladaq ki, hadisə 21 iyunda baş verib. Salyan şəhər Həsən Məmmədov küçəsi, ev 6 ünvanında yaşayan 21 yaşlı Mirzabitə İlham qızı Abdullayevanın üçəm övladı dünyaya gəlib. Doğuş normal həyata keçsə də, doğuşdan 6 saat sonra xəstəxananın elektrik enerjisi kəsilib və şüşə altında saxlanılan körpələrdən ikisi oksigen çatışmazlığından ölüb, biri isə ağır vəziyyətə düşüb.
Fakta bağlı rayon prokurorluğunda Cinayət Məcəlləsinin 314.2-ci (səhlənkarlıq ehtiyatsızlıqdan zərər çəkmiş şəxsin ölümünə səbəb olduqda) maddəsi ilə cinayət işi başlanıb.
Tanınmış vəkil Aqil Layıcov hadisədən sonra təmənnasız olaraq ailəyə hüquqi yardım göstərmək missiyasını öz üzərinə götürüb.
Tarix
2016.06.30 / 21:30
|
Müəllif
Axar.az
|