Bəyəm, Cahangir Zeynalovun, Hüseyn Ərəblinskinin aktyor təhsili var idi?

Bu sözləri tənqidçi Aydın Talıbzadə aktyorluq təhsili olmayan adamların – müğənnilərin, aparıcıların filmlərə çəkilmələri ilə bağlı Axar.az-a danışarkən deyib:

"Hansısa müğənninin, aparıcının kinoya dəvət alması rejissordan asılıdır. Əgər rejissor kimdəsə öz təxəyyülünə uyğun obraz görürsə, onu dəvət edir. Və əgər yerinə düşürsə, nəyə görə hansısa bir müğənnini, aparıcını, lap adi bir adamı filmə, tamaşaya dəvət eləməsin? Yerindədirsə, qoy olsun, əgər uğursuzdursa, o filmə heç kim baxmayacaq. Bunu problemə çevirmək lazım deyil. Əsas istedaddır, məqama uyğunluqdur, bacarıqdır. Kim bacarırsa, buyursun. Əsrin əvvəllərində fəaliyyət göstərən məşhur Azərbaycan aktyorlarının heç birinin təhsili yox idi. Məgər Cahangir Zeynalovun, Hüseyn Ərəblinskinin aktyor təhsili var idi? Amma onlar oynadılar, çox gözəl də alındı. İndi də hansısa bir müğənni, aparıcı çox yaxşı, səmimi şəkildə bir filmdə iştirak edirsə, niyə də olmasın?"