Yuxarı

Müharibə cinayətləri: Şuşa həbsxanası... - Video

Ana səhifə Kult Sinema
12 Punto 14 Punto 16 Punto 18 Punto

Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Obyektiv” Milli Dəyərlərin Təbliğinə Dəstək İctimai Birliyi “İşgəncələr məbədi - Şuşa həbsxanası” adlı sənədli film hazırlayıb. Sənədli filmin müəllifi tanınmış telejurnalist Mübariz Əsgərovdur.

Kult.az xəbər verir ki, filmin çəkilişləri işğal dövründə Şuşa şəhərində azərbaycanlı əsir və girovların saxlandığı, amansız işgəncələrə məruz qaldığı, həndəvərində kütləvi məzarlıq aşkar olunan Şuşa həbsxanasında aparılıb, filmdə əsir və girovluqdan azad edilənlər başlarına gətirilənlər, şahidi olduqları hadisələrlə əlaqədar dəhşətli faktlar açıqlayıb.

Ermənistan uzun illər zənn edirdi ki, işğal etdiyi Şuşa həmişəlik onundur və buradakı cinayətlərinin üstü heç vaxt açılmayacaq. “İşgəncələr məbədi-Şuşa həbsxanası” sənədli filmində Ermənistanın beynəlxalq konvensiyalara, humanitar hüquqa, əsir və girovlarla rəftar qaydalarına zidd olaraq, insanlıq əleyhinə törətdiyi müharibə cinayətləri faktlarla ifşa edilir.

“Obyektiv” Milli Dəyərlərin Təbliğinə Dəstək İctimai Birliyi ərsəyə gətirdiyi bu filmlə xarici ölkələrdəki vətəndaş cəmiyyəti təsisatlarını, insan hüquq və azadlıqlarını müdafiə edən beynəlxalq təşkilatları aşkara çıxan faktlara diqqət yetirməyə, onlar barəsində məsələlər qaldırmağa çağırış edir.

Sənədli filmdə müəllif əminliyini bildirir ki, Ermənistan törətdiyi müharibə cinayətlərinə görə məsuliyyətdən qaça bilməyəcək.

Filmdə mövzu ilə əlaqədar zəruri informasiya dəstəyinə, müvafiq köməkliyə və sənədlərlə tanışlıq üçün hərtərəfli şərait yaradılmasına görə Əsir və itkin düşmüş, girov götürülmüş vətəndaşlarla əlaqədar Dövlət Komissiyasına xüsusi təşəkkür edilir.

37 dəqiqəlik sənədli filmin ingilis və rus dillərinə də tərcüməsi nəzərdə tutulur.

Sənədli filmi bu link vasitəsilə izləyə bilərsiniz:

Tarix
2023.06.04 / 01:14
Müəllif
Kult.az
Şərhlər
Digər xəbərlər

“Liderin ürəyi” sənədli filmi təqdim olunacaq - Foto

Əfsanəvi aktyor kinodan gedir

Nəsrin Cavadzadə yeni seriala çəkilir

Laçında kinostudiya fəaliyyətə başlayır - Video

“Oppenhaymer” 700 milyon dollar qazandı

Məşhur aktrisa "Barbi"dən 50 milyon dollar qazandı

İranlı rejissor çəkdiyi filmə görə həbs edildi

"Barbi" bu ölkədə qadağan edildi

Nazirlikdə Rasim Balayevlə görüş oldu - Foto

“Barbi”nin satışı bir milyard dolları keçdi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla