Hər şeyi zaman göstərəcək.

Bu sözləri Akademik Milli Dram Teatrının işdən çıxan direktoru İsrafil İsrafilov teatrdan ayrılandan sonra fəaliyyətini harada davam etdirəcəyi ilə bağlı Axar.az-a danışarkən deyib. O, hələ bu barədə qərar vermədiyini bildirib:

"Akademik Milli Dram Teatrındakı vəzifəmdən hələ yeni ayrılmışam. Ona görə də indi deyə bilmərəm ki, hansı işlə məşğul olacağam. Bütün bunları zaman göstərəcək".

Xatırladaq ki, Mədəniyyət və Turizm naziri Əbülfəs Qarayevin əmri ilə İsrafil İsrafilov Akademik Milli Dram Teatrının direktoru vəzifəsindən kənarlaşdırılıb. Onun yerinə Azər Paşa Nemət teatrın bədii rəhbəri və direktoru təyin olunub.