Yuxarı

Peyğəmbər filmində bilmədiyimiz faktlar - Video

Ana səhifə Kult Sinema
12 Punto 14 Punto 16 Punto 18 Punto

Mustafa Akkadın rejissoru olduğu və İslamın gəlişindən bəhs edən "Çağırış" (The Message) filmi 1976-cı ildə çəkilib. Filmin təqdimatından illər keçməsinə baxmayaraq, bu gün də həmin filmə təkrar-təkrar baxılır.

Filmin əksər hissəsi Liviyada, ilk 15 dəqiqəsi isə Mərakeşdə çəkilib (Bu barədə bir qədər sonra). Filmdə Məhəmməd peyğəmbərin (s) üzü heç göstərilməyib, amma bəzi hadisələr onun baxışı ilə göstərilib.

Həmçinin filmin "Ar Risalah" adlı ərəb versiyası da "Çağrış" filmi ilə eyni anda çəkilib. Amma filmin ərəb versiyasında ancaq Şərq ölkələrinin aktyorları oynayıb. Aşağıdakı videoda filmin ən məşhur səhnələrindən birinin hər iki variantını təqdim edirik:

Filmdə Vəhşi obrazının canlandıran Salem Gedara adlı aktyor ölkəsində iş tapa bilməyib. Buna səbəb isə onun filmdə Həzrət Həmzəni öldürməsi olub. Dəfələrlə onun evinə Həmzəni öldürməsinə görə təhdid məktubları da gəlib.

Bu filminin musiqilərini fransız musiqiçi Moris Jarre İngiltərə filarmoniya orkestri ilə birlikdə səhrada çadırda təkbaşına 2 ay qalaraq hazırlayıb. Film üçün suriyalı rejissor Mustafa Akkad Moris Jarreyə yeni çəkəcəyi "Çağırış" filminin musiqilərini hazırlamasını təklif edəndə, Jarre çölün atmosferini ruhunun dərinliklərində hiss etməsi lazım olduğunu və buna görə özündən başqa heç kim olmayacağı, son dərəcə səssiz bir məkan tənzimləməsi lazım olduğunu, əlavə olaraq isə İslam tarixindən bəhs edən kitabları da ona gətirməsini istəyib.

Film barədə maraqlı hadisələr

- Amerikada bir kinoteatrda bəzi şəxslər tərəfindən Həzrət Peyğəmbərin filmdə göstərildiyi zənni ilə tamaşaçılar girov götürülüb. Daha sonra filmə Əzhər Universiteti tərəfindən təsdiq verildiyi, peyğəmbərin göstərilmədiyi məlumatı əlavə olunduqdan sonra hadisə müsbət sonluqla başa çatıb.

- Filmdə Məkkə şəhərinin mərkəzinin yaradılması 4 ay yarım vaxt aparıb. Səhnələrin qurulması üçün isə 300 nəfər işləyib.

- Bilal rolu üçün məşhur boksçu Məhəmməd Əlini rejissor Mustafa Akkada təklif ediblər, ancaq o bunu qəbul etməyib. Onun yerinə Conni Sekka rol alıb.

- Ümumilikdə film 12 dilə tərcümə olunub.

- Çəkilişdə 28 millətə məxsus insan iştirak edib.

- Filmdə döyüş səhnələrinin çəkilişi üçün bütün atlar xüsusi təlim görüb.

- Film çəkildikdən sonra Həmzə obrazını canlandıran Entoni Quinnin müsəlman olduğu şayiələri yayılıb. Lakin bir müsahibəsi zamanı rejissor Mustafa Akkada verilən bu suala cavab olaraq, "Entoni Quinn mənə müsəlman olmadığını, ancaq həm İslama daha çox hörmət bəslədiyini, həm də öz dininə daha çox bağlandığını söyləyib", - deyib.

Filmdə əsas rolları canlandıran aktyorlar isə həm obrazda, həm də həyatda görə bilərsiz:

Mustafa Akkad müsahibəsində "Çağırış" filmi layihəsinin necə yarandığını belə açıqlayıb: "Uşağım olanda belə bir duyğuya qapıldım: "Uşaqlarıma dinlərini öyrətməliyəm", - dedim və məsuliyyətimi xatırladım. Məhz "Çağırış" layihəsi belə ortaya çıxdı".

Filmin çəkilməsində ən böyük problem maliyyə məsələsi imiş. Amma Mustafa Akkad maliyyə problemini həll etməyə nail olub. Səudiyyə Ərəbistanı filmə sponsorluq etməyi boyun olub. Filmin çəkilişlərinə 1974-cü ildə Mərakeş səhralarında başlanıb. Amma filmə sponsor olan Səudiyyə Ərəbistanı ssenaridə səhabələrə sevginin daha çox olduğunu vurğulayaraq, maddi dəstəkdən imtina edib. Hətta bununla da kifayətlənməyərək, Mərakeş hökumətinə də təzyiq göstərərək, film komandasının ölkədən çıxarılmasına nail olub. Çəkilən bütün xərclər, qurulan səhnələr səhranın ortasında atılmış vəziyyətdə qalıb. Bu müddət ərzində Mustafa Akkad filmin yalnız 15 dəqiqəlik hissəsini çəkibmiş.

Mustafa Akkad filmin 15 dəqiqəsini montaj edərək Liviya Prezidenti Müəmmər Qəzzafi ilə görüşür. O, filmin 15 dəqiqəlik hissəsini Müəmmər Qəzzafiyə baxdırır. Filmdən razı qalan Qəzzafi filmin qalan hissəsinin harada olduğunu soruşur. Mustafa Akkad vəziyyəti Qəzzafiyə izah edir. Qəzzafi filmə tam dəstək verəcəyini bildirir.

Qəzzafinin dəvəti ilə Mustafa Akkadın film briqadası Liviyaya köçür. Burada çətin şərtlərdə həyata keçirilən filmin 600 nəfərdən ibarət komandası aylarla səhrada kərpic evlər tikməyə başlayır və yeni səhnələr qurulur. Bütün çətinliklərə baxmayaraq, çəkilişlər 1976-ci ildə tamamlanır.

Faktxeber.com

Tarix
2016.06.10 / 15:36
Müəllif
Axar.az
Şərhlər
Digər xəbərlər

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla