Ermənistan-Azərbaycan münasibətlərinin normallaşması Gürcüstan üçün vacibdir və ölkəmiz regionda sülhün daha da bərqərar olması üçün hər şeyi edəcək.

Axar.az xəbər verir ki, bunu Gürcüstanın Baş naziri İrakli Kobaxidze Tiflisdə keçirilən Ermənistan-Gürcüstan Hökumətlərarası İqtisadi Əməkdaşlıq Komissiyasının 15-ci iclasının açılışında erməni həmkarı Paşinyana müraciət edərkən deyib.

İkitərəfli münasibətlərə toxunan Kobaxidze bildirib ki, bu münasibətlər İrəvan və Tiflis arasında strateji tərəfdaşlığa əsaslanır:

“Hazırkı əməkdaşlıq səviyyəsi gələcəkdə əhəmiyyətli uğurlara imkan verəcək. Ermənistan daim Gürcüstanın ən yaxşı on ticarət tərəfdaşı arasındadır. Bu münasibətlərin vacib şərti iki ölkə xalqı arasında əsrlər boyu davam edən dostluq və əlaqələrdir”.