Yunanıstan Xarici İşlər Nazirliyi cümə axşamı Tehrandakı səfirliyinin Azərbaycana, Bakıya köçürüldüyünü açıqlayıb.

Axar.az xəbər verir ki, nazirliyin mətbuat katibi Liana Zotu bu addımın İranın paytaxtında diplomatik nümayəndəliyin təhlükəsiz fəaliyyətinə imkan verməyən pisləşən təhlükəsizlik şəraiti ilə əlaqəli olduğunu bildirib.

Məlumata görə, İranda yaşayan Yunanıstan vətəndaşlarının sayı çox az olduğu və əsasən diplomatik nümayəndəliyin ailə üzvləri və işçiləri ilə bağlı olduğu üçün Yunanıstan vətəndaşlarının İrandan geri qaytarılması ilə bağlı heç bir sorğu yoxdur.

Köçürülmənin təfərrüatı təhlükəsizlik səbəbilə açıqlanmır və proses davam edir.