Ana səhifə Siyasət |
Suriyadakı əməliyyatlar zamanı uçuş təhlükəsizliyinin təmin edilməsi, habelə xoşagəlməz olayların qarşısının alınması üçün Rusiya və Türkiyə arasında imzalanan memorandumu məmnuniyyətlə qarşıladıq.
Axar.az xəbər verir ki, bu sözləri ABŞ Müdafiə nazirinin müavini Elissa Slotkin deyib.
“Xəbəri gördüyüm an sevindim. Çünki əldə olunan razılığın təhlükəsizlik məsələləri ilə bağlı nə qədər önəmli olduğunu düşünürəm”, - Slotkin bildirib.
ABŞ rəsmisi Vaşinqton-Moskva arasında da bənzər razılaşmanın uğurla tətbiq edildiyini vurğulayıb:
“Yaxın məsafədə hərəkət edirik. Bizim belə bir sistemə ehtiyacımız var idi. Hazırda uğurla davam edir. Daha əvvəl aramızda yaşanan gərginliklərdən də dərs götürmüşük. Əgər ruslar və türklər belə bir razılığa gəliblərsə, olduqca müsbət addımdır”.
Qeyd edək ki, dünən Rusiya Müdafiə Nazirliyi və Türkiyə Silahlı Qüvvələrinin Baş Qərargahı arasında Suriyada əməliyyatlar zamanı insidentlərin qarşısının alınması və uçuşların təhlükəsizliyinin təmin edilməsinə dair memorandum imzalanıb.
Tarix
2017.01.14 / 01:28
|
Müəllif
Kamran Ədalət
|