ABŞ-ın 45-ci Prezidenti Donald Tramp vəzifə səlahiyyətlərinin icrasına başladıqdan sonra administrasiyanın deyil, şəxsi Tvitter hesabından istifadə edəcək.

Axar.az xəbər verir ki, bu barədə NBC televiziyasının müxbiri Kelli O'Donnel məlumat yayıb.

“Prezidentə yaxın mənbələr iddia edir ki, Tramp səlahiyyətlərinin icrasına başladıqdan sonra “@potus (President of the United States)” hesabına keçməyəcək və şəxsi “@realDonaldTramp” səhifəsindən istifadə etməyə davam edəcək”, - müxbir bildirib.

Qeyd edək ki, Trampın şəxsi Tvitter səhifəsinin 20 milyondan çox izləyicisi var.

Yeni prezident həmin səhifədə müntəzəm olaraq siyasi yöndə paylaşımlar edir.